Gartneri i generasjonar

Hestetun er ein av dei eldste gardane i bygda og dreiv tradisjonelt gardsbruk fram til 1961.
Årdal var på den tida i sterk vekst som fylgjer av industriutbyggjing, og kommunen eksproprierte store delar av landeigedommen for byggjing av nye husvære til alle som kom til bygds for å få arbeid på aluminiumsfabrikken.

Dermed måtte gardeigar Olav Hestetun finne nye levevegar, og grunnlagde dermed det fyrste gartneriet med drivhus og butikk. Den gongen sto produksjon av snittblomster i sentrum for verksemda og i drivhuset vart det dyrka store mengder nellik, tulipanar og krysantemum.

Seinare var det Per Hestetun som tok over, og i byggjet etablerte han dessutan kiosk som han dreiv fram til midten av 80-talet. I 1994 gjekk stafettpinnen vidare til Svein Magne, som i dag er gartnar av tredje generasjon i Hestetun.